Намалувањето на побарувачката во Кина и слабата продажба на теренецот DBX навестуваат тешки времиња за познатиот британски бренд. Годинава Aston Martin потроши повеќе од половина милијарда евра или речиси 1,8 милиони дневно…
Aston Martin не е во добар моментум во моментов. Минатата недела, производителот на автомобили откри загуба во третиот квартал од 10,3 милиони фунти (12,27 милиони евра) пред оданочување. Иако тоа е подобро од проценките, тековните загуби значат дека Aston Martin потрошил над 500 милиони евра оваа година.
Податоците следуваат по ажурираната прогноза за продажба на Aston Martin објавена во септември, која предупреди на помал годишен профит и намалување на производството од околу 1.000 автомобили годишно, наведувајќи ги прекините во снабдувањето и слабеењето на побарувачката во Кина.
Податоците за испорака објавени на 30 септември откриваат пад на продажбата од 17 отсто од почетокот на годината, од 4.398 автомобили на 3.639 единици во истиот деветмесечен период. Продажбата на моделите DBX падна за 52 отсто и сега претставува само 30 отсто од вкупната продажба. Минатата година во ова време, спортскиот теренец сочинуваше повеќе од половина од сите продадени Aston Martin возила, пишува The Times.