Осимен за победата над Тотенхем: „Демонстриравме одлична тимска игра“

Напаѓачот на Галатасарај, Виктор Осимен ја коментираше победата над Тотенхем (3:2) во натпреварот од 4. коло од општата фаза на Лига Европа.

„Покажавме одлична тимска игра, продолживме да се бориме под постојан притисок и ја постигнавме нашата цел во текот на целиот натпревар. Трите гола што ги постигнавме се резултат на сето тоа. Имаме многу квалитетен тим. Дадов два гола, што е многу добро. Јас сум многу среќен поради тоа. Благодарен сум и на навивачите за нивната неверојатна поддршка“, ја цитира прес службата на УЕФА изјавата на Осимен.

По 4 кола Галатасарај е на 3. место во провизорниот поредок со 10 бодови. Тотенхем е на 7-та позиција со 9 бодови.