За многумина Зинедин Зидан е еден од најдобрите и најелегантните фудбалери во историјата на фудбалот, а тоа мислење го дели и Лионел Меси.
Легендарниот Французин ја освои Златната топка во 1998 година, а со тимовите за кои настапуваше освои речиси се. Со француската репрезентација беше светски и европски шампион, а со Реал Мадрид освои три ЛШ.
Лео Меси, за некои број еден во историјата на фудбалот, откри дека му се восхитува и на легендарниот Зизу. Аргентинецот имаше можност да игра против него на почетокот на својата играчка кариера, а ривали беа подоцна во времето на Зидан на клупата на Реал.
„За мене Зидан е еден од најдобрите играчи во историјата, секогаш му се восхитував. Го следев многу во Реал Мадрид и страдав затоа што беше од Мадрид! Секогаш беше вистински играч. Различен, елегантен, висок, магичен, имаше се!“ – изјави Меси.