За секоја одлична апликација во продавницата на Google Play, има десетици бескорисни апликации со реклами.
Ако се потрудите малку, можете да ги избегнете. Обрнете внимание на прегледите, прегледајте ги приложените „скриншотови“, истражете ги политиките за приватност и проверете ја целокупната атмосфера на апликацијата.
Наскоро треба да ви помогне Google. Се чини дека подготвуваат систем кој ќе ве предупреди за потенцијално лошите апликации. Имено, во изданието 43.7.19-31 на апликацијата Play откриени се три пораки од овој тип:
* This app is frequently uninstalled compared to similar apps on Play.
* Play has limited user data about this app.
* This app has few active users compared to others on Play.
Може да се заклучи дека постојат неколку одредници кои Google ги користи за откривање и обележување на такви апликации.
Неизвесно официјално соопштение
Тие проверуваат колку пати една апликација е деинсталирана во споредба со други апликации од истата категорија, колку кориснички податоци користи и бара и колку активни корисници има во споредба со други слични на неа.
Овие пораки нема да се појавуваат како предупредувања кога ќе отворите страница со апликација, туку меѓу другите детали за таа апликација.
Така, додека ја прелистувате страницата, ќе го видите описот на апликацијата од страна на развивачот, безбедноста на апликацијата, оценките и прегледите за апликацијата и етикета што суптилно сугерира дека апликацијата не вреди вашето време и труд.
Сè уште не е познато кога, ако воопшто некогаш, новата функција би можела официјално да стане достапна.
Но, Google неодамна лансираше алатка за откривање закани во живо за Play Protect, која бара потенцијално злонамерни апликации на вашиот телефон. Доколку ја открие, системот ви испраќа известување за сомнителната апликација, па можете да оцените дали треба да се отстрани или не, пишува Life Hacker.