Од петок студен бран во Македонија, се очекуваат поројни дождови и снег

Под влијание на влажна и студена воздушна маса од петок до понеделник претпладне времето ќе биде претежно облачно со повремени врнежи од дожд, кои наместа ќе бидат поројни и пообилни (над 50 литри на метар квадратен), информираат од Управата за хидрометеоролошки работи (УХМР).

На планините врнежите ќе бидат од снег и ќе се формира снежна покривка. На повисоките места и во некои пониски ќе бидат од дожд и снег, особено в сабота.

Во следните три дена минималната температура ќе биде во интервал од -3 до 6 степени, а максималната до 13 степени.