Безос со оптимизам го дочекува враќањето на Трамп во Белата куќа

Основачот на Амазон, Џеф Безос изјави дека е оптимист за вториот мандат на новоизбраниот претседател на Соединетите Американски Држави, Доналд Трамп и верува дека тој би можел да придонесе за намалување на регулативите во земјата.

„Овој пат сум всушност многу оптимист“, рече Безос на сцената за време на интервјуто на самитот во Њујорк, додавајќи дека Трамп се чини дека вложува многу енергија во намалувањето на регулативата.

„Ако можам да помогнам, ќе помогнам. Имаме премногу прописи во оваа земја“, додаде Безос.