Писмо од композиторот Волфганг Амадеус Моцарт од 1783 година било продадено на онлајн аукција на приватен европски понудувач за 440.000 евра.
Продажната цена на ракописот далеку ја надмина почетната цена од 100.000 евра, објави во петокот аукциската куќа International Autograph Auctions Europe, со седиште во Малага, јужна Шпанија. Аукциската куќа наведува дека интересот од САД и Азија бил голем.
Писмото на австрискиот композитор до францускиот издавач со германско потекло Жан-Жорж Зибер, напишано на германски, се сметало за изгубено, соопшти аукциската куќа. Подоцна беше пронајдено во семејната архива.
Некои истражувачи веруваат дека писмото ги содржи првите траги од познатите квартети Моцарт и Хајдн. На продажба беа и композициите на Зибер.
На продажба беше и писмото на Џон Ленон на осум страници до музичарот Ерик Клептон од 1971 година, во кое тој предлага формирање на нов „супер бенд“. Сепак, писмото не беше продадено.
„Имаше интерес, но не доволен за наддавање“, изјави портпаролот на аукциската куќа. Почетната цена на писмото беше меѓу 80.000 и 100.000 евра.