Асад од своите роднини и соработници ги криел плановите за бегство од Сирија

Соборениот сириски претседател Башар ал Асад речиси на никого не кажал од неговите планови да избега од земјата откако пропадна неговото владеење, дознава Ројтерс.

Неговите советници, службеници, па дури и неговите роднини немале ни најмало знаење за тие планови или биле измамени, изјавиле за агенцијата повеќе од десетина извори.

Неколку часа пред да побегне во Москва, Асад на состанокот со околу 30 воени и безбедносни началници во Министерството за одбрана во саботата изјави дека доаѓа руската воена поддршка и ги повика копнените сили да се воздржат, изјави командант кој беше присутен на средбата, но тој сакаше да остане неименуван.