Се чини дека британското кралско семејство се подготвува да се соочи со нова криза, па дури и сукцесија, бидејќи здравјето на кралот Чарлс Трети не се подобрува по дијагнозата на рак на простата.
Сели Бедел Смит, биографка на принцот од Велс, во интервју за „RadarOnline“ изјавила дека принцот Вилијам и принцезата Кејт, која исто така се бори со еден вид рак, се подготвуваат да ја преземат круната.
Во случајот со принцезата од Велс, таа постепено ги обновила своите кралски должности откако во септември објави дека завршила со лекувањето, додека Вилијам ги презел повеќето кралски должности, иако кралот Чарлс III сè уште ги извршува своите должности.
Иако кралот продолжува да ги извршува своите должности, тој мораше да прифати ограничувања поради лекувањето на ракот. Како резултат на тоа, Вилијам презел поголема одговорност, а тој и Кејт се подготвуваат за нивните идни улоги поинтензивно од очекуваното.
Кралицата Камила, исто така, ги намалила своите кралски должности додека закрепнува од пневмонија. Оваа ситуација поврзана со здравјето на монархот би можела да го забрза непосредното наследување.
Сепак, ниту Бакингем ниту палатата Кенсингтон не издадоа официјални соопштенија за здравјето на кралот или за можното наследување на тронот.
За потсетување, на кралот Чарлс му беше дијагностициран рак во февруари оваа година, а оттогаш е на хемотерапија. И покрај болеста, тој продолжува со своите обврски, иако дел од настаните му ги додели на својот син.
Во октомври, за време на официјалната посета на Австралија и Самоа, Чарлс привремено го прекинал лекувањето со одобрение на неговите лекари. Сепак, моменталната здравствена состојба на кралот останува непозната надвор од кралското семејство.