Анџелина Џоли и Бред Пит станаа пар, популарно наречен Бранџелина, во 2006 година, а се венчаа во 2014 година. Шокaнтната разделба следеше во 2016 година, што предизвика жестока судска битка околу старателството над децата и поделбата на имотот.
Познатиот актер, 60-годишниот Бред Пит во меѓувреме се запозна со 31-годишната дизајнерка на накит, Инес де Рамон, која станала негова девојка. А дека врската е сериозна потврдува и фактот дека парот живее заедно.
Упатените сега открија дека ѕвездата од „Боречки клуб“ сака повторно да застане на „лудиот камен“, но го спречува жестоката правна битка со Анџелина и го спречува „да оди напред“, бидејќи Бред сака да ги заврши работите со Анџелина пред повторно да се ожени.
„Бред сака повторно да се ожени, но Енџи сè уште стои на патот и тој само сака се да заврши“, изјави ексклузивно за DailyMail.com извор близок до Бред. „Таа го одолговлекува речиси една деценија. Сега го одложува финализирањето на нивниот развод“.
Инсајдерот тврди дека отуѓениот однос на Бред со неговите деца може да биде клучна причина за постапките на актерката. Имено, многумина се сомневаат дека таа чека близнаците да наполнат 18 години пред да го финализира разводот.
„Ова трае веќе осум години и иако тој би сакал официјално да продолжи со Инес, и двајцата знаат дека тоа не е можно, а тоа многу го лути Брeд“, истакнал инсајдерот.