Во Aрачиново Полицијата и БЈБ неколку дена пребарува со детектори за метал и копа со багери, откако започна големата акција за разбивање на опасната мафијашката група Беланоца Барон. Во акцијата е вклучена и Армијата.
Пронајдени се 14 гранати со калибар од 40 милиметри и две калапчиња од по 200 грама експлозив ТНТ. Досега во акцијата беа запленети поголема количина оружје, милиони евра, накит, автомобили, часовници и други вредни предмети.
Во средата полициски екипи на пат од с.Орланци во правец кон с.Никуштак, во атарот на општина Арачиново пронајде еден пушкомитралез, девет автоматски пушки, повеќе празни рамки за автоматска пушка и реденик за пушкомитралез, две рамки за автоматска пушка со куршуми, една тегла со муниција, ранец и други предмети.
