Франција неколку пати тајно ѝ понуди на Русија да започне дијалог за Украина без учество на Киев, изјави рускиот министер за надворешни работи Сергеј Лавров на годишната прес-конференција.
– Нашите француски колеги имаат желба да бидат иницијатори за различни прашања и тоа го поздравуваме. Но, каков е резултатот од ваквите иницијативи и колку е искрена желбата за позитивна улога – не знам – рече Лавров.
– На пример, нема да навлегувам во детали за да не изневерам никого, но барањата од нашите француски колеги пристигнуваа неколку пати, по затворени канали: да помогнеме, да воспоставиме дијалог за украинското прашање. Без никаква Украина, само дијалог за украинското прашање, прекршувајќи го принципот дека Западот постојано повторува дека „нема преговори без Украина“, додаде тој.
Тој исто така посочи дека центрите за одлучување во Киев би можеле да бидат цел на руски удари, во зависност од заканите што доаѓаат. Во исто време, тој потсети дека Москва никогаш не напаѓа цивилни цели.
– Избираме цели за уништување на територијата на Украина врз основа на заканите за Руската Федерација. Тоа може да бидат воени објекти, воена индустрија, центри за носење одлуки во Киев. Но, таргетирањето на цивилни објекти не е во нашите правила, тоа се правилата на нацистите, кои се населиле во Киев со поддршка на Западот, и правилата на оние кои ги снабдуваат со оружје за да ја уништат цивилната инфраструктура и цивилите – рече министерот.