Германските болници сега тонат подлабоко и полошо од кога било во последните две децении, објави здружението DKG во студија објавена во петокот, пренесе dpa.
Во редовното годишно истражување на DKG, повеќе од три петини од болниците и клиниките, 61 отсто од нив, изјавиле дека 2023 година ја завршиле со загуба. Девет проценти работеа на нула, а 30 проценти оствариле добивка. Последен пат ситуацијата била полоша пред 20 години.
Во исто време, болниците оваа година ја поминаа уште полошо: 79 отсто од нив очекуваат негативно салдо, 11 отсто очекуваат стагнација, а само 10 отсто ќе бидат во позитива.
Работењето на болниците и клиниките е првенствено оптоварено со зголемени трошоци за персонал и материјали. Понатаму, на болниците им недостига инвестициска поддршка, а пред се ги оптоварува тоа што не можат да ги приспособат цените на инфлацијата.
„Болниците не смеат сами да го приспособат ценовникот на инфлацијата, иако трпат исто зголемување на трошоците како и сите други“, рече претседателот на одборот на директори на DKG, Џералд Гас.
Ова, предупреди Гас, може негативно да влијае на опремата на болниците.
Со своето истражување за „Болнички барометар“, DKG испитува институции со најмалку 100 кревети. Годинава 366 болници и клиники го пополнија прашалникот од средината на мај до средината на август.