Голем шумски пожар беснее низ луксузниот дел на Лос Анџелес, уништувајќи домови и создавајќи сообраќаен метеж, додека 30.000 луѓе се евакуирани под огромни облаци од чад, кои зафатија поголем дел од градското подрачје.
Изгореа најмалку 510 хектари од областа Пацифик Палисадес, меѓу Санта Моника и Малибу, соопштија властите откако веќе предупредуваа за екстремна опасност од пожар поради силните ветрови што пристигнаа по долга суша.
Сведоците известуваат за голем број куќи во пламен кој речиси ги изгорел нивните автомобили додека бегале од ридовите на кањонот Топанга додека пожарот се проширил кон Тихиот Океан.
Шелби Кидман, која била во авион над пожарот во Палисадес, ја снимила огнената стихија од воздух.
View of the #PalisadesFire from my flight coming into lax pic.twitter.com/SwgbO7Tdrk
— shelby (@ShelbyKidman) January 8, 2025
Како што изјави за Си-Ен-Ен, видеото е снимено додека нејзиниот авион од Солт Лејк Сити се приближувал до меѓународниот аеродром во Лос Анџелес.