Лос Анџелес моментално се бори со катастрофалниот шумски пожар. Зафатени се луксузните делови на главниот град на Калифорнија, а околу 30.000 луѓе се евакуирани. Меѓу потенцијално загрозените се бројни имиња од светскиот џет-сет.
Телевизиските камери од локална новинарска екипа во Калифорнија, исто така, ја фатија ѕвездата на „Полициска академија“, Стив Гутенберг во акција, како им помага на пожарникарите со поместување на автомобилите да направат простор за противпожарните возила што наидуваат.
„Ако го оставите автомобилот поради пожар, барем оставете го клучот внатре за некој како мене да може да ви го премести за да можат сите овие противпожарни возила да се искачат“, му рекол актерот на локален новинар.
Our neighbor’s friend sent this video evacuating our area… pic.twitter.com/n8zLWgi3gR
— James Woods (@RealJamesWoods) January 8, 2025
Актерот Џејмс Вудс сподели видео снимка од пожарот кој зафатил две куќи кои се во близина на неговата, а подоцна изјавил дека бил евакуиран од областа.
„Во овој момент не знам дали нашиот дом сè уште постои, но за жал куќата во нашата мала улица ја нема“, напиша тој на „Х“, додавајќи дека неговото семејство почнало да ја реновира куќата по пандемијата на Ковид-19 и штотуку ја завршило работата минатиот месец.
Тренерот на Голден Стејт Вориорс, Стив Кер, изјави дека неговата мајка била принудена да избега од Палисадес, а семејната куќа на членот на тимот Еверет Дејтон била уништена.
„Сè што гледам и читам е само застрашувачко“, рекол тој на прес-конференција.
Крајбрежната заедница одамна е популарна кај познатите личности, вклучувајќи ги Том Хенкс и Рита Вилсон.