Мексиканската претседателка Клаудија Шејнбаум предложи Северна Америка, вклучително и Соединетите Американски Држави, да се преименуваат во „Мексиканска Америка“, историското име што се користеше на раните мапи на регионот, како одговор на најавата на Доналд Трамп дека Мексиканскиот Залив ќе биде преименуван во „Американски залив“.
„Мексиканска Америка, тоа звучи убаво“, се пошегува Шајнбаум, покажувајќи на мапата од 1607 година на која е прикажана Северна Америка под тоа име.
Претседателката на Мексико, која во последните недели се кара со Трамп, ја искористи прес-конференцијата за да одржи лекција по историја, со помош на старите мапи и поранешниот министер за култура Хозе Алфонсо Суарез дел Реал.
„Факт е дека Мексиканска Америка е препознаена од 17 век како име за целиот северен дел на американскиот континент“, рече Суарез дел Реал, покажувајќи ја областа на мапата.
Што се однесува до Мексиканскиот Залив, Суарез дел Реал рече дека името е меѓународно признато и се користи како референца за поморска навигација стотици години.
Трамп зборуваше за преименување на заливот што се протега од Флорида во Канкун, Мексико, во вторникот на прес-конференција за време на која ја претстави широката експанзионистичка агенда, вклучително и можноста за преземање контрола врз Панамскиот канал и Гренланд.