Германија ја испорача првата серија од ветените 54 самоодни хаубици RCH 155, изјави министерот за надворешни работи на земјата Борис Писториус за време на прес-конференција.
Шест од 54-те хаубици ќе останат во Германија за обука на украински војници.
„Украина може да смета на нас, и ова (испорака) е сигнал. Германија е подготвена да преземе одговорност во Европа“, изјави Писториус.
Амбасадорот на Украина во Германија, Олексиј Макеиев симболично ја презеде првата серија на лице место. Украина побара RCH 155 во јули 2022 година.
Самоодната хаубица RCH-155 е нова комбинација на оклопниот транспортер GTK Boxer со автоматската артилериска купола PzH 2000.
Исфрла гранати од 155 мм на растојание до 54 километри. Може брзо да се движи на или надвор од патот со брзина поголема од 100 километри на час поради меѓуоскиното растојание слично на тешко оклопно возило, пренесе Kyiv Independent.
Украина е првата земја што го доби новиот RCH 155.