Кајл Вокер одлучи да го напушти Манчестер Сити, а се појавија неколку опции за англискиот репрезентативец. Последната опција е европски гигант и преселба таму би бил бомбастичен.
Последните недели клубовите од Саудиска Арабија и Милано најинтензивно се распрашуваат за Вокер. Овие опции очигледно не се единствените за Вокер, бидејќи шпанските медиуми пренесуваат дека интерес за него покажал Реал Мадрид!
По новиот дебакл против Барселона, „галактикосите“ мораа да го „свртат лист“ и да видат што му треба на тимот за да се подобри. Тоа е очигледно десната бековска позиција.
Мадриѓаните со месеци се обидуваат да го доведат во своите редови Трент Александер-Арнолд, а доведувањето на Вокер не би му ја затворило вратата на одличниот играч на Ливерпул. Зошто?
Бидејќи Вокер би дошол на шестмесечна позајмица, само додека не се среди договорот со бекот на Ливерпул за летен трансфер. Вокер би придонел со искуство, но и со играчки вештини кои се уште се на високо ниво, и покрај неговата возраст.
Вокер е во Манчестер Сити од 2017 година, а за тоа време одигра 319 натпревари.