Новоизбраниот американски претседател Доналд Трамп ќе прогласи национална вонредна состојба на јужната граница на САД со Мексико и ќе ги објави плановите за испраќање дополнителни вооружени сили за да помогне во обезбедувањето на границата, изјави денеска неименуван функционер во администрацијата на Трамп. Според него, Трамп повторно ќе се држи до својата политика за изградба на граничен ѕид, објави Ројтерс.
Новиот американски претседател, рече тој, ќе го укине азилот и ќе ја затвори границата за имигрантите кои илегално влегуваат во САД. Официјалниот претставник, кој сакаше да остане анонимен пред инаугурацијата на Трамп, рече дека Трамп, исто така, ќе ги назначи криминалните картели како глобални терористи.
Сите живи поранешни американски претседатели на инаугурацијата на Трамп
Тој посочи дека Трамп ќе потпише извршна наредба со која ќе се елиминираат програмите на федералната влада ДЕИ, кои се однесуваат на програми кои промовираат различност, еднаквост и инклузија.
Новиот американски претседател, како што изјави нов претставник на администрацијата на Трамп, ќе го суспендира приемот на бегалци за период од најмалку четири месеци. Според него, Трамп ќе преземе чекори за одземање на државјанството по право на раѓање на илегалните имигранти, пренесува Танјуг.
Тој рече дека новиот американски претседател планира да ја врати смртната казна заради јавната безбедност. Доналд Трамп денеска ќе положи заклетва како 47. претседател на САД.