Србите на северот на Косово организирано гласаат! Во Северна Митровица десетици граѓани се појавија во гласачките места од почетокот на процесот

Гласачките кабини во Северна Митровица беа отворени во терминот што го одреди Централната изборна комисија, во 07:00 часот.

Уште од првите часови е забележан интересот на српските граѓани кои живеат во оваа општина на северот на Косово, да го остварат избирачкото право.

Од сликите од средното техничко училиште се чини дека Србите организирано гласаат, а во овој гласачки центар се присутни и претставници на Српската листа,пренесуваат медиумите на албански јазик.