Вирџил Ван Дајк сакаше да биде конфликтен во изјавите по турбулентното дерби со Евертон.
Се чинеше дека Ливерпул оди кон победа кога Мохамед Салах постигна гол за 2-1 во 73. минута, негов 22. во Премиер лигата, додека на Евертон се чинеше дека остана без идеи.
По последниот судиски свиреж, само неколку секунди откако Џејмс Тарковски го израмни резултатот на 2-2, Дукуре од Евертон тргна кон навивачите на Ливерпул за да ги испровоцира. Џонс се стрча кон Французинот, што резултираше со општ хаос.
Повеќето играчи беа вклучени во инцидентот за кој беше потребна полициска интервенција за смирување на ситуацијата. Разбеснетите навивачи на Ливерпул фрлаа шишиња кон група играчи, додека судијата ја следеше ситуацијата од безбедно растојание.
И Џонс и Дукур беа исклучени од судијата Мајкл Оливер, пред менаџерот на Ливерпул, Арне Слот да добие црвен картон откако Холанѓанецот понижувачки му ја подаде раката на судијата – иако не е јасно дали тој исто така изговори навредливи зборови кон Оливер во исто време.
По натпреварот, Премиер лигата објави официјално соопштение преку својот Твитер профил – иако не даде објаснување за ниту едно од исклучувањата.
Вирџил ван Дајк во своите изјави истакна дека резултатот го „боли“ неговиот тим со оглед на тоа како дошло до него, но иронично истакна дека „карамелите“ секоја година го третираат своето дерби со Ливерпул како да е финале на Куп.
„Ова е нивното финале во Купот и тие ќе се обидат со се што е во нивна моќ да ни отежнат. Тоа е голем поттик за нив, но удар за нас“, рече Ван Дајк за пристапот и славјето на Евертон.