Меси не се враќа во Барселона додека таму е Лапорта

Напаѓачот на Интер Мајами и аргентинската репрезентација Лионел Меси нема намера да се врати во Барселона, објави новинарот Гилем Балагу.

Според изворот, Аргентинецот нема место во каталонскиот клуб додека претседател е Жоан Лапорта, иако самиот играч сака да игра на реновираниот стадион „Спотифај Камп Ноу“.

Меси (37) е во Интер Мајами од летото 2023 година. Сезонава одигра 3 натпревари на кои постигна 2 гола и 2 асистенции.

Аргентинецот играше за Барселона од 2004 до 2021 година. За тоа време одигра 778 натпревари, постигна 672 гола и направи 303 асистенции.