Настапот на Манчестер Јунајтед против Арсенал треба да им даде доверба на „црвените ѓаволи“ дека можат да го елиминираат Реал Сосиедад во осминафиналето на Лига Европа, вели експертот на „Скај Спортс“, Гери Невил. Избраниците на Рубен Аморим одиграа 1-1 против „топџиите“ во англискиот фудбалски шампионат и го повторија резултатот против Шпанците кои во четврток ќе гостуваат на „Олд Трафорд“.
Јунајтед се уште е во долната половина на табелата во Премиер лигата, но друг пат до враќање во Лигата на шампионите е титулата во Лига Европа.
„Работите можеа да тргнат многу лошо за Аморим оваа недела по Фулам и елиминацијата од ФА Купот. Мислам дека сега можат да бидат посигурни. Последните неколку денови беа добри за играчите. Сè уште има елементи каде што заостануваат, но барем добиваат резултати и играат подобро во вторите полувремиња“, рече тој, цитиран од „Скај“.
„Бековската петорка ја заврши својата работа и Касемиро го одигра еден од своите најдобри натпревари во сезоната. Во четврток има голем и тежок натпревар. Во Шпанија одиграа силно во првите 60 или 65 минути и сакам да видам подобрување. Дали можат силно да ја завршат сезоната? Одговорот на тоа прашање ќе биде основата на нашата проценка за годината“.
„Но, Јунајтед не сака да игра дома во моментов. Тешко им е. Како да имаат огромна тежина на рамениците, но им паѓа кога први ќе постигнат гол. Во второто полувреме тие исто така покажаа добри работи и создаваа шанси. Дејвид Раја направи клучни одбрани, а Расмус Хојлунд повторно покажа дека нема чувство за гол при ситуацијата еден на еден со Раја“.
„Аморим ќе биде задоволен од нивниот настап во второто полувреме. Можеа да постигнат повеќе голови од Арсенал и тоа не ме изненади. Не го направија тоа, но одиграа многу добро. Тоа ќе им се допадне и на навивачите“.