Американскиот претседател Доналд Трамп купи „Тесла Модел С“ (Tesla Model S). Ова може да се заклучи од објавата на социјалната мрежа „Вистина“ на Трамп.
Трамп објави видео на кое се гледа како влегува во црвен автомобил „Тесла“ пред Белата куќа. „Ох, прекрасно е “, рече Трамп додека влезе во моделот „С“.
„Не ми е дозволено да го возам“
Зборувајќи заедно со Илон Маск, кој му го продаде автомобилот, тој рече дека купува „Тесла“ бидејќи е одличен производ и затоа што Маск „ја посветил својата животна енергија на ова“.
„Мислам дека мала група луѓе се однесуваат многу лошо кон него, сакам да знаат дека не можете да казните некого затоа што е патриот, а тој е патриот“, рече тој и додаде дека не знае за друга поуспешна компанија за автомобили во последните 30 години.
„Лошата вест е што не смеам да возам затоа што долго време не сум возел автомобил. И сакам да возам автомобили“, рече Трамп.
„Ќе имам (автомобил) во Белата куќа и ќе дозволам персоналот да го користи. Не ми е дозволено да го возам, можеш ли да веруваш?, рече Трамп.
„Сакам да возам автомобили, но не ми е дозволено“, додаде тој.
При предавањето на автомобилот на Трамп, Маск рече дека „Тесла“ ќе го удвои производството на возила во САД во следните две години, нагласувајќи дека оваа одлука е резултат на „одличните политики на претседателот Трамп и неговата администрација“.
„Како чин на верба во Америка, „Тесла“ ќе го удвои своето производство на возила во САД во рок од две години“, напиша Маск.
Трамп утринава рече дека ќе купи нов автомобил „Tesla“ за да му покаже поддршка на извршниот директор на компанијата и сојузник Илон Маск, поради неодамнешните протести наречени „Отстранување на Tesla“ и падот на цената на акциите на компанијата.