Румер Вилис го слави големиот ден за нејзиниот татко Брус Вилис. Актерката, која е најстарото дете на пензионираниот актер и неговата поранешна сопруга Деми Мур, одговараше на прашања од нејзините фанови на Инстаграм, а еден ја праша: „Како е татко ти?
„Одлично е, благодарам што праша“, рекла Румер (36). „Утре всушност е неговиот 70-ти роденден, па би ве замолила, да му го честитате“.
Семејството на Брус објави дека му била дијагностицирана афазија во март 2022 година. Неговата сопруга Ема Хеминг Вилис подоцна ја потврди неговата дијагноза на фронтотемпорална деменција.
Семејството на ѕвездата на „Die Hard“ исто така ја сподели веста во тоа време дека Брус ќе се повлече од актерството.
Румер неодамна откри детали за здравјето на нејзиниот татко кога се појави во британското ток-шоу Loose Women на 3 февруари, велејќи дека Брус е „многу добро“. „Одлично му оди“, додаде актерката, која е мајка на 23-месечната ќерка Лует.
Претходно во интервјуто, Румер соопштила дека се чувствува благодарна кога се навраќа на нејзиниот семеен живот растејќи со тато Брус и мама Деми (62), кои исто така ги имаат ќерките Скаут Вилис (33) и Талула Вилис (31). Брус и Ема (46) се родители на ќерките Мејбел (12) и Евелин (10).
Румер, исто така, го пофали односот на нејзините родители, размислувајќи за сопствената ситуација по раскинувањето со сега веќе поранешното момче Дерек Ричард Томас, со кого има ќерка.
„Мислам дека моите родители се толку неверојатен пример, иако помалку се оддалечија од динамиката на заедничко родителство, а Дерек е мојот најдобар пријател и тоа не се промени“, рекла актерката.
„Најдовме неверојатен начин да го одржиме нашето пријателство и нашата љубовна, кородителска врска. Мислам дека и двајцата сме толку среќни што го имаме тоа за себе, како и за Лу“, додала таа во интервју за „People“ минатиот октомври.