Општина Карпош информира дека согласно годишната програма за работа за 2025 година, пред повеќе од еден месец е објавен јавен оглас за ангажирање на компанија која ќе изврши инженерски анализи.
Инженерските анализи предвидуваат статитички пресметки и симулација на напрегања, визуелна, мерна и недеструктивна метода на испитување, утврдување на модел на напрегања и деформации, а фирмата исто така треба да изработи план за евентуална санација на челичниот мост „Влајко“, согласно дадените карактеристики од техничката спецификација.
-Во меѓувреме, по јавниот повик избрана е фирмата ТСГ ИНДУСТРИ СЕРВИЦЕ ДОО –Скопје, која ќе го врши испитувањето и потпишан е договор со истата во вредност од 400.000 денари со ДДВ. Испитувањата треба да почнат деновиве, најавија од општината.