Кадилак влегува во Формула 1 следната година, а една од опциите за возач на овој нов тим е Серхио Перез, Мексиканецот кој поради лошите перформанси го напушти Ред Бул Рејсинг на крајот на минатата сезона.
Откако Кадилак доби „зелено светло“ за учество во шампионатот во Ф1, почнаа шпекулациите за возачката постава. Тимот дефинитивно сака да донесе барем еден искусен возач за да се впушти во големата авантура на најдобар можен начин. Тие не кријат дека сакаат да имаат американски возач, но мали се шансите тоа да се случи. Исто така, не е лесно да се соберат поени за супер лиценца, но тоа не значи дека е невозможно.
Зборувајќи за ESPN, советникот на Кадилак, Марио Андрети одби да открие детали, но призна дека Перез е опција.
„Во вториот болид дефинитивно ќе има искусен возач кој е на располагање. Има три реални кандидати, а Перез е опција. Тој може да биде опција, се разбира”, изјави Андрети.
Перез беше јасен кога рече дека нема да брза само затоа што има едно место, но сакаше внимателно да размисли за неговите опции и како неговата одлука ќе влијае на неговото семејство.
Со оглед на сите работи, Перез би бил добар избор. Тој со години возеше во Формула 1 за неколку тимови и знае како изгледа добар тим, што е многу важно за Кадилак.