Метеоролошката агенција на Исланд денеска објави дека под земја во близина на Рејкјавик започнала ерупција на вулканска магма, но дека моментално нема магма на површината. „Досега магмата не стигнала до површината, но најверојатно ќе дојде до ерупција“, се вели во соопштението.
Покрај подземната ерупција на магма, областа е погодена и од повеќе од 100 мали земјотреси.
Локалната полиција соопшти дека е евакуирана блиската луксузна бања Плава Лагуна, како и рибарскиот град Гриндавик, во кој се сместени околу 40 домови, пренесува USA Today.
Метеоролошката агенција соопшти дека волуменот на магмата под вулканот Свартсенги е на највисоко ниво од серијата ерупции во декември 2023 година. „Акумулацијата на магмата продолжува, но стапката на издигнување е забавена во последните недели“, соопшти агенцијата.
Сеизмичката активност постепено се зголемува во последните недели, што покажува дека притисокот на местото на ерупцијата се зголемува, се наведува на веб-страницата на агенцијата.
Исланд, познат како „земја на мразот и огнот“ по бројните глечери и вулкани, се соочи со 10 ерупции јужно од Рејкјавик од 2021 година, а ова би можело да стане 11-та ерупција во областа.
Досега нема значително ширење на пепел во стратосферата.