Трамп: Сега е идеално време да се збогатите

Претседателот Доналд Трамп денеска им рече на инвеститорите дека, во услови на превирања на пазарот предизвикани од неговото воведување нови царини ширум светот, сега е вистинското време да се инвестира во Соединетите држави.

„За многуте инвеститори кои доаѓаат во САД и инвестираат огромни суми пари – моите политики никогаш нема да се променат. Ова е одлично време да се збогатите и повеќе од кога било досега! објави Трамп на платформата „Truth Social“.

Изјавата на Трамп доаѓа во време кога светските пазари се во пад поради ескалацијата на трговската војна меѓу САД и Кина, а клучните берзански индекси во Лондон, Франкфурт и Њујорк бележат значителни загуби.