Меган Маркл сака да ги потсети своите критичари дека нејзиниот живот не бил отсекогаш лесен. Во интервјуто за „The New York Times“, кое беше објавено на 2 април и одржано во нејзиниот дом во Монтесито, војвотката од Сасекс се осврна на коментари дека обичните луѓе не можат да се поврзат со неа. Покажувајќи кон нејзината куќа, таа праша: „Зарем не знаат дека мојот живот не бил секогаш ваков?
Кога репортерката на „Тајмс“, Џулија Москин, ја предупреди за критиките од некои гледачи кои се пожалија дека садовите за готвење „Le Creuset“ што ги користи во шоуто се прескапи, Меган праша: „Ова е темата, во 2025 година? Таа потоа се сврте кон нејзината мајка Дорија Рагланд, која коментираше: „Сите се лути поради нешто денес“.
Што се однесува до причините за започнување на серијата,која доби зелено светло три дена по нејзината премиера, Меган објасни дека работела од тринаесетгодишна возраст до средбата со Хари во 2016 година, по што престанала да глуми и го затворила својот популарен блог за животен стил „The Tig“.
„Морам и сакам да работам“
„Морам да работам и сакам да работам“, истакна Меган. „Ова е начинот на кој можам да го комбинирам мојот семеен живот со работата. Таа, исто така, искрено зборуваше за предизвиците на лансирањето на нејзината нова бренд линија „As Ever“, која првично беше наречена „American Riviera Orchard“.
„Имаше многу пресврти, дури и со името“, рече таа во интервјуто за списанието „People“, објавено на 3 март. „Сето тоа се решава во од. Неверојатно сум им благодарна на сите што ми дадоа простор да правам грешки и да учам“, продолжи Меган, „и да бидам нежна со себе низ тој процес. Тоа е учење“.
„Сакам да готвам“
Во последниве месеци, Меган изгледа беше целосно отворена за јавноста. Заедно со серијата на Нетфликс и брендот таа ја релансираше и својата лична страница на Инстаграм, како и официјалниот профил за „As Ever“.
„Минатата година помислив: „Американска ривиера, тоа звучи како одлично име“, сподели Меган во видеото објавено на страницата на компанијата на Инстаграм. „Тоа е мое соседство. Тоа е прекар за Санта Барбара, но во исто време ме ограничи само на она што се произведува и одгледува на овие простори.
As Ever во основа значи „како што било секогаш“, додаде таа. „Доколку ме следите од 2014 година и блогот „Тиг“, знаете дека сакам да готвам и градинарство.