39
Почнаа да пристигнуваат првите официјални реакции од Кина за американските царини од 104 отсто наметнати на кинески стоки.
„САД продолжуваат да ги злоупотребуваат царините за да ја притиснат Кина. Кина цврсто се спротивставува на ова и никогаш нема да го прифати овој облик на малтретирање“, рече портпаролот на кинеското Министерство за надворешни работи Лин Џијан на денешната прес-конференција.
Тој додаде дека ако САД навистина сакаат да ги решат проблемите преку дијалог и преговори, треба да заземат „став на еднаквост, почитување и взаемна корист“.
„Кина ќе продолжи да презема решителни и ефективни мерки за заштита на своите права и интереси“, рече Лин.