Со апсење само на поранешни полицајци истрагата за Кочани станува фарса, реагираат од СДСМ

од Vladimir Zorba
187 прегледи

„Последните објавени информации дека се приведени поранешни полициски службеници од кои 5 лица се веќе и пензионирани е уште еден доказ за селективноста на истрагата за Кочани. Наместо правда, јавноста сведочи дека под палката на Тошковски, истрагата за најголемата трагедија во Македонија станува срамна и недозволива фарса“, реагираат од СДСМ.

„Како е можно после 30 дена од трагедијата да се бара вина само кај оние полициски службеници за периодот од 2012 до 2022 година а не за актуелните?

Како не се најде ниту еден виновен во актуелните началници и службеници на МВР кои биле директно одговорни за безбедноста на граѓаните кобната ноќ, на 16 март 2024 година.

Зошто началникот на крим полицијата во Кочани, Томо Донев не е меѓу приведедените?

Зошто ниту началничката на ОВР Кочани, Марија Цветковска Маневска не е помеѓу опфатените?

Како е можно ниту началникот на СВР Штип ниту пак началникот за крим полицијата во Штип исто така да не се опфатени со истрагата?

Ова е понижување на правдата и селективна заштита на функционери блиски до Тошковски и ДПМНЕ.

Бараме Тошковски да си поднесе оставка за да може истргата да продолжи неселективно. Во спровитно граѓаните целосно ќе ја загубат довербата дека за огромната трагедија ќе има вистинска правда.

СДСМ нема да молчи на сите неправди, селективност и непринципиелност i силно ќе се спротивстави.

Правда за Кочани нема да има додека тие што можеле да спречат трагедија не одговараат. Не само кривично – туку и институционално, и политички“, се додава во реакцијата на опозициската партија.

Слични содржини