По 15 години, пронајдено е легендарното црно Ferrari 512 TR кое некогаш му припаѓало на Мајкл Џордан. Овој модел, лансиран во 1991 година, претставува една од најпрефинетите верзии на иконскиот Ferrari Testarossa. Мајкл Џордан го возел овој автомобил од 1992 до 1995 година, кога го продал на Крис Гарднер, човекот чие животно патување го инспирираше филмот The Pursuit of Happyness од 2006 година.
Гарднер му поставил на автомобилот препознатливата и персонализирана регистарска табличка со натпис „Not MJ“. По продажбата на аукција во 2010 година за околу 100.000 долари, автомобилот исчезна без трага. Curated, специјализирана компанија посветена на зачувување на ретки суперавтомобили, успеа да го пронајде автомобилот со тоа што стапи во контакт со неговиот последен сопственик.
Тој го чувал возилото заклучено повеќе од една деценија, што само ја зголемува мистериозноста околу неговото исчезнување. Џон Темеријан, ко-основачот на Curated, го опиша пронаоѓањето како решавање на мистерија што ги прогонувала со години.
„Постојат моменти во овој бизнис и светот на класичните автомобили од кои може да се наежите. Пронаоѓањето на овој автомобил беше како решавање на една долготрајна мистерија. Сите ја знаеја регистарската табличка. Сите ја знаеја легендата. Но, никој не знаеше каде се наоѓа до сега“, изјави Темеријан.
Ritrovata dopo 15 anni la Ferrari nera di Michael Jordan. Chiusa in garage, si è salvata dai roghi in California https://t.co/9VXQSyriio
— Corriere della Sera (@Corriere) April 16, 2025