Повеќето луѓе џвакаат гуми за џвакање без размислување но неодамнешното истражување на „UCLA“ може да го промени тоа.
Истражувачите од Универзитетот во Калифорнија спроведоа пилот студија во која анализираа примероци од плунка од поединци кои џвакаа гуми за џвакање различни марки. Нивните наоди открија дека еден грам гума за џвакање може да ослободи во просек 100 микропластични честички, при што некои брендови ослободуваат над 600 честички по грам. Со оглед на тоа што просечната гума за џвакање тежи околу 1,5 грама и дека многу луѓе редовно џвакаат повеќе парчиња, проценетиот годишен внес на микропластика од оваа навика би можел да достигне десетици илјади.
Истражувачите откриле дека за само 8 минути по џвакањето, едно парче гума за џвакање може да ослободи до 3.000 микропластични честички во вашата уста.
Без разлика дали се работи за синтетичка или природна гума, откриено е дека микропластиката како полиетилен и ПЕТ – материјалот што се користи во пластичната амбалажа, се испушта во вештачката плунка што ја голтате, главно во првите неколку минути од џвакањето.
Истите состојки во автомобилските гуми, чанти и шишиња
Повеќето комерцијално достапни гуми за џвакање се направени од „синтетичка гума“, која се состои од полимери на база на нафта слични на оние што се наоѓаат во автомобилските гуми, пластичните кеси и шишињата, но овие пластични компоненти не се експлицитно наведени во состојките.
Студијата открила микропластика и во синтетичка и во природна гума, при што во втората се користат полимери од растителна основа.
Иако долгорочните здравствени ефекти од внесувањето микропластика сè уште се проучуваат, научниците изразија загриженост за потенцијалните ризици како што се воспаление, нарушување на хормоните и многу други здравствени проблеми.
Додека некои експерти сугерираат дека релативно малата количина на микропластика внесена од гума за џвакање веројатно ќе помине низ телото без значително влијание, студијата исто така открива и загадување на животната средина предизвикано од фрлената гума за џвакање, што придонесува за широко распространето присуство на пластика во животната средина.
Значи, ако редовно џвакате гума за џвакање, размислете да џвакате една подолго наместо често да ги менувате. Тоа е мала промена, но може да ви помогне да ја намалите изложеноста на пластика.