Renault го претстави новиот електричен R5 Turbo 3E на крајот на минатата година откако го најави со концептот за 2022 година, а сега се знае и колку ќе чини.
Замислен како модерна интерпретација на легендарните модели на Renault 5 Turbo и Turbo 3, изгледа апсолутно брилијантно и има многу моќ, но заинтересираните купувачи мора брзо да обезбедат „слот“ или ќе мора да издвојат дополнителна сума пари.
Фабричката цена на Renault 5 Turbo 3E е 155.000 евра и е резервирана само за првите 500 примероци. Оваа цена не вклучува никакви опции, додатоци или персонализација. Дополнително, оние кои сакаат да обезбедат „слот“ мора да одвојат 45.000 евра за аванс, а оваа сума не се враќа.
Изгледа дека на француската компанија и се потребни овие пари за да го доврши автомобилот. Во соопштението за печатот се наведува дека парите обезбедени од приватните купувачи и дилери ќе бидат искористени за „финансирање на развојот на Renault 5 Turbo 3E“.
Од почетокот на 2026 година, клиентите ќе бидат контактирани од избрани дилери и потоа ќе можат да ги приспособат своите автомобили. Тие исто така ќе имаат можност да се сретнат со дизајнерите на Renault за да создадат уникатен надворешен и внатрешен изглед доколку сакаат.
Renault 5 Turbo 3E се заснова на карбонска монокок шасија, со два електрични мотори сместени одзади. Овие мотори испорачуваат 544 КС и овозможуваат забрзување од 0 до 100 km/h за само 3,5 секунди. Тие се напојуваат со батерија од 70 kWh, која обезбедува опсег од нешто повеќе од 400 километри. Електричниот хечбек користи архитектура од 800 волти, а батеријата се полни од 15 до 80 проценти за само 15 минути.
Моделот со ограничено производство на Renault нема директни ривали, но најблиску до него е можеби Hyundai Ioniq 5 N. Јужнокорејскиот модел не е ограничен во производството, ниту користи карбонска шасија, но сепак има поголема моќност и чини за половина помалку. Она што му недостига е историјата на моделот Renault 4 Turbo, што е многу важен фактор за купувачите кои го ценат.