Иако неодамнешните фотографии на кои Бред Пит оди рака под рака со неговата 32-годишна девојка Инес де Рамон, поттикнаа гласини за можна венчавка, извори блиски до холивудската ѕвезда откриваат поинаква вистина.
„Бред е целосно заљубен во Инес, но не сака да се жени и да има деца“, открил добро информиран извор. „Тој беше тешко погоден од разводот со Анџелина и фактот дека неговите деца не сакаат речиси ништо да имаат со него. Тој има 61 година и го сака својот живот токму таков каков што е“.
Двојката е во врска повеќе од две години, а првпат јавно се појавија заедно во ноември 2022 година на концерт на U2. Иако нивната врска е се посилна, во втор план се уште се води жестока битка за старателството над децата, иако единствените малолетни близнаци се Вивиен и Нокс, како и правен спор околу сопственоста на француската винарија „Шато Миравал“.
И покрај тоа што не слуша свадбени ѕвона, Инес де Рамон претставува светла точка во животот на овој холивудски заводник. Неговите пријатели, меѓу кои и Џорџ Клуни, наводно се импресионирани од неа и се уште се надеваат на свадба.
„Тоа би било убаво за него бидејќи тоа би било официјално оддалечување од неговото минато со Џенифер Анистон и Анџелина“, додал изворот.
Пит го финализираше разводот со Анџелина Џоли во декември минатата година, а според извори, само најмладиот Нокс, барем не официјално, не се отуѓил од својот татко и го отфрлил неговото презиме. Фактот дека сите други го направија тоа го скршило Пит.
„Бред рече дека му е доста од Анџелина да ја глуми жртвата кога тој е оној чие семејство му го одзеле. Тој го сака она што е најдобро за децата, а радикално простување е она што е потребно за вистинско исцелување“, тврди изворот.
Двојката се разделила во 2016 година по инцидент во приватен авион, кога дошло до наводна расправија со алкохол. Најстариот син Медокс (22) наводно бил повреден за време на расправијата кога се обидел да ја заштити мајка си.
Според судските документи поднесени од Џоли минатата година, конфронтацијата била дел од „насилните“ расправии меѓу парот. Посебно потресна беше објавата на нивниот син Пакс на Инстаграм од 2020 година, во која тој го нарече Пит „кретен од светска класа“ и го обвини дека животите на неговото семејство ги прави „жив пекол“.