Резервациите се отворија пред една недела за Renault 5 Turbo 3E, кој ќе биде произведен во само 1.980 единици. Цената започнува од 155.000 евра, а Renault од секој купувач бара депозит од 50.000 евра. Потоа ќе биде потребно да се почека барем до 2027 година за да се произведе и испорача автомобилот. Фабрис Камболив, извршен директор на Renault, објави на LinkedIn дека неколку часа откако се отвориле резервациите, веќе се нарачани 500 примероци од новиот R5 Turbo 3E, со платен депозит. Со едноставна математика, стигнавме до 25 милиони евра, колку што Renault заработил само од аконтациите.
Renault ќе ги покани сите клиенти следната година да го персонализираат својот автомобил.
Кога ќе се земе предвид масата на батеријата од 70 kWh, Renault 5 Turbo 3E тежи не повеќе од 1450 кг. Со погонски склоп кој развива 540 КС (2 x 200 kW), односот моќност-тежина е неверојатни 2,7 кг/КС, сличен на оној кај култните супер автомобили! Очекуваната вредност на забрзување од 0 до 100 км/ч е помалку од 3,5 секунди, а дометот на пат се проценува на повеќе од 400 км. Кога го користите вградениот полнач од 11 kW, целосното полнење на батеријата со наизменична струја трае осум часа.
Благодарение на својата 800-волтна архитектура, Renault 5 Turbo 3E треба да се докаже и на патеката: се очекува да може да вози неколку брзи круга со максимална брзина до 270 км/ч, пред да застане за брзо полнење со еднонасочна струја до 350 kW. Полнењето на батеријата од 15 до 80% капацитет ќе трае само 15 минути. За претекнување, постои посебна контрола на воланот за дополнителна испорака на моќност. Достапно ќе биде и дополнително копче за прилагодување на четирите нивоа на регенеративно сопирање.
Следните четири режими на работа ќе бидат достапни во рамките на системот MULTI-SENSE: Snow, Regular, Sport и Race (со функција за помош при „дрифтување“).