Трент Александар-Арнолд го напушта Ливерпул со месеци, барем во медиумите, а сега имаше и официјална потврда за претстојното заминување на одличниот дефанзивец на „црвените“ на крајот од сезоната 2024/25. Односно, по истекот на важечкиот договор.
Легендата на клубот од „Енфилд“ го носеше дресот 20 години. Од неговите најмлади денови, па сè до неговата неодамнешна 20-та титула во Премиер лигата. Заедно со многу други трофеи во тој период.
„По 20 години во фудбалскиот клуб Ливерпул, сега е време да потврдам дека ќе си заминам на крајот од сезоната. Ова е најтешката одлука што некогаш сум ја донел во мојот живот. Знам дека многумина од вас се прашуваа зошто или беа фрустрирани што сè уште не сум зборувал за ова, но отсекогаш моја намера беше целосно да се фокусирам на најдобрите интереси на тимот, а тоа беше да ја обезбеди 20-тата титула“, рече Александар-Арнолд.
“I want to say it’s not an easy decision and there’s a lot of thought and feeling that has gone into it. I’ve been here 20 years now, loved every single minute of it, achieved all my dreams, achieved everything I’ve ever wanted to here.”
Trent Alexander-Arnold’s interview ⤵️
— Liverpool FC (@LFC) May 5, 2025
Првиот избор на Реал Мадрид за следната сезона не крие колку му е тешко да ја напушти единствената фудбалска адреса во кариерата.
„Овој клуб беше целиот мој живот – целиот мој свет – веќе 20 години. Од академијата до сега, поддршката и љубовта што ја чувствував од сите во и надвор од клубот ќе останат со мене засекогаш. Засекогаш ќе ви бидам должен на сите вас. Но, никогаш не сум знаел ништо друго и оваа одлука е за нов предизвик, излегување од мојата зона на удобност и туркање себеси и професионално и лично“, тажно изјави Трент.