Холивудската ѕвезда Дејвид Хаселхоф неодамна беше забележан на аеродромите во Канкун и Лос Анџелес во инвалидска количка, што предизвика бројни шпекулации и загриженост меѓу фановите. И покрај обидот да остане незабележан со црна бејзбол капа, неговиот изглед не помина незабележано и привлече големо внимание.
Фотографиите на кои се гледа како го турка персонал низ аеродромските терминали поттикнаа гласини за можно влошување на неговото здравје, особено имајќи ја предвид неговата лична трагедија — неодамнешната смрт на неговата поранешна сопруга, Памела Бах.
Сепак, самиот Хаселхоф брзо ги демантираше шпекулациите. На новинарите и фотографите кои го пресретнаа, им откри дека се работи за планирана здравствена интервенција.
„Следната недела ќе имам операција на коленото,“ изјави тој, појаснувајќи дека инвалидската количка ја користи само привремено.
Неговиот претставник потврди дека станува збор за рутина и додаде дека актерот е во добра состојба, опкружен со поддршката од најблиските. Со него беше и неговата сопруга, Хејли Робертс, која исто така беше фотографирана на аеродромот.
И покрај личните предизвици и болката по загубата, Хаселхоф останува позитивен и фокусиран на својот опоравок.
David Hasselhoff, 72, sparks concern in wheelchair at airport after ex-wife’s suicide https://t.co/u2fzWTNMqM pic.twitter.com/dL1kY9udSx
— New York Post (@nypost) May 8, 2025