Младата претпремачка Џовија Кисаки, кој потекнува од семејство на земјоделци, создаде средство против комарци направен од ферментирано млеко. Така таа реши две многу важни работи понуди решение за маларијата и за големите количини расипано млеко.
Имено, земјоделците во Уганда произведуваат 2,8 милијарди литри млеко годишно, според податоците од Фондацијата за развој на млечни производи, но само една третина од таа количина се троши. Остатокот генерално брзо се расипува, бидејќи повеќето рурални области немаат електрична енергија и начин за складирање на млеко. Во исто време, оваа земја се карактеризира со фактот дека маларијата, пренесена од заразени комарци, е најчеста причина за смрт.
Во 2020 година, имало 241 милион случаи на маларија низ целиот свет, а 95 проценти од случаите на маларија биле во Африка, или 96 проценти од сите случаи на инфекција што завршиле со смрт.
Кремот, создаден од оваа млада научничка, се состои од 100 проценти органски производи. Компанијата го откупува расипаното млеко од малите млекарници за да имаат корист сите, бидејќи малите млекарници ги покриваат своите загуби со своите приходи.
Нејзината компанија сега вреди околу еден милион долари, има вработени и мрежа преку која набавува млеко. Колку е добар овој производ покажува фактот дека кремот го купуваат супермаркети во Уганда и Демократска Република Конго, како и хуманитарни организации кои го дистрибуираат кремот до бегалците.