Судењето на музичкиот могул Шон Комбс Диди продолжува. Неговата поранешна асистентка, која сведочеше анонимно под псевдонимот Миа, во четврток му рече на судот дека музичарот сексуално ја нападнал додека била вработена кај него.
Таа е вториот сведок на судењето во Њујорк што тврди дека Комбс сексуално ја нападнал. Миа сведочеше дека почнала да работи за Комбс како личен асистент во 2009 година, кога имала околу дваесет години. Таа ја опиша работната средина како хаотична и токсична.
Бил насилен кон неа и Вентура
Нејзината работа, вели таа, барала од неа секогаш да биде во видното поле на Диди. Таа вели дека често престојувала во неговата куќа, а тој бил насилен кон неа. Во една прилика, таа рекла дека тој фрлил чинија шпагети кон неа, за малку промашувајќи ја во главата. Друг пат, тој фрлил компјутер во нејзината глава кога таа рекла дека WiFi-то сè уште се поправа.
Таа рекла дека го видела Комбс како е насилен кон Вентура. Миа еднаш отишла на одмор со двојката на островите Туркс и Кајкос, изјави таа пред судот. Доцна една ноќ на патувањето, таа рече дека г-ѓа Вентура втрчала во нејзината соба врескајќи дека г-дин Комбс ќе ја „убие“, па избегале и се скриле на плажа.
Тие зграбиле даска за веслање за да влезат во водата и да избегаат од Диди, кој шетал по плажата. Во тој момент се спремала бура. „Се обидував да одлучам дали е пострашно да се соочам со Мајката Природа или да се вратам кај Паф (Диди)“, сведочеше таа.
Миа пред судот изјави дека и покрај тоа што била сведок на злоупотребата на г-дин Комбс врз г-ѓа Вентура, таа не го пријавила затоа што „верувала дека авторитетот на Паф е над оној на полицијата“.
Ја силувал
Миа вели дека Комбс сексуално ја нападнал повеќе пати. Еднаш, се разбудила и сфатила дека тој се обидува да ја силува. Таа вели дека нападите започнале рано, речиси штом почнала да работи за него. Една ноќ на неговата забава за 40-ти роденден во Њујорк, таа вели дека Диди ѝ дал две чашки вотка кои ја погодиле „многу силно“. Потоа Диди ја бакнал и ја ставил раката под нејзиниот фустан.
Друга ноќ, помеѓу 2009 и 2010 година, додека Миа спиела во креветот во неговата куќа, таа вели дека се разбудила и дека тој бил врз неа. Таа била збунета, вели таа, а Диди почнал да ја силува. „Само се замрзнав. Беше многу брзо, но се чувствуваше како цела вечност“, рекла таа. Миа му рекла на судот дека Комбс сексуално ја нападнал „спорадично“ во текот на целото време додека работела за него. Но, таа му рекла на судот дека не се сеќава секогаш на деталите, само „лошо чувство во стомакот“.
Кога обвинителите ја прашале зошто не рекла „не“ кога Комбс ја нападнал или не отишла во полиција, Миа му рекла на судот дека се плаши од тоа што ќе направи. „Ја знаев неговата моќ. Ја знаев неговата контрола врз мене и не сакав да изгубам сè за што толку напорно работев“, рекла таа.
Кога обвинителите ја прашаа зошто ја раскажува својата приказна на суд, таа одговори: „Морав да ја кажам вистината, целата вистина и ништо друго освен вистината“.
Адвокатскиот тим на Комбс сè уште немаше можност да ја испраша Миа и да одговори на нејзините тврдења. Миа повторно ќе се појави на суд, а тимот на Диди ќе може да ја испраша.