Pininfarinа го најави пристигнувањето на „последното издание“ на својот хипер автомобил Battista, со што се одбележува и прославува 95-годишнината од познатата италијанска дизајнерска куќа. Моделот едноставно се нарекува Novantacinque.
Хиперавтомобилот изгледа величествено. Неговите панели од карбонски влакна се обоени во црвена Rosso Gloss, боја длабоко вкоренета во италијанската култура, а низа златни ленти се протегаат по долните делови од каросеријата. Долната страна на разделеното задно крило содржи уште повеќе злато.
Тркалата Iconico со пет краци се обоени во Precision Polished Colourless, што изгледа како сребрена боја. Тие добиле детали од четкан алуминиум, а зад нив се наоѓаат црни клешти за сопирачките.
Седиштата за пилоти се тапацирани со црна алкантара и црна кожа, и се зашиени со двотонски црн и златен конец. Внатрешноста има неколку логоа „95“, како и машински обработени алуминиумски ротирачки бројчаници и карбонски сатенски украси.
Ова јубилејно издание не додава повеќе моќност, но не мора ни да додава. Четиримоторниот погонски склоп на Battista, кој исто така се наоѓа во Rimac Nevera, сè уште испорачува 1.900 КС и 2.300 Nm вртежен момент на сите четири тркала. Накратко, автомобилот забрзува од 0 до 100 км/ч за околу две секунди, достигнува 300 км/ч за 12 секунди, додека неговата максимална брзина е 345 км/ч.
„Овој уникатен автомобил го означува крајот на производството на Battista на крајот од оваа година. Novantacinque означува пресвртница во историјата на Automobili Pininfarina“, се вели во соопштението.