Англиските медиуми објавија дека менаџерот на Манчестер Сити, Пеп Гвардиола, нема да го вклучи Џек Грилиш (29) во составот за претстојното Светско клупско првенство.
Според информациите, Гвардиола повеќе не смета на Грилиш како клучен играч и се очекува тој да го напушти „Етихад“ во тековниот преоден рок. Манчестер Сити моментално е во процес на темелна обнова на тимот, а на местото на Грилиш се споменува дека ќе дојде младиот англиски фудбалер Рајан Черки од Лондон.
Џек Грилиш веќе е таргет на неколку клубови од Премиер лигата, а добил и понуди од клубови надвор од Англија.
Во летото 2021 година, Гвардиола плати рекордни 117 милиони евра за трансферот на Грилиш од Астон Вила. Во дресот на Сити, Џек одигра 157 натпревари, постигна 17 гола и даде 23 асистенции. Според неговиот тековен договор, кој важи до летото 2027 година, заработува околу 15 милиони евра годишно.
Оваа сезона, Грилиш има настапи на 32 натпревари, со просек од околу 50 минути игра по меч, и постигна само три гола и пет асистенции. Англиските медиуми пренесуваат дека Манчестер Сити е подготвен да го продаде за околу 50 милиони евра, а Тотенхем се споменува како можен нов клуб за англискиот репрезентативец.