Врховниот суд на САД му дозволи на DOGE пристап до лични податоци во социјалното осигурување

Врховниот суд на САД му дозволи на Одделот за владина ефикасност (DOGE) да го намали бројот на федерални работници и да пристапи до личните податоци на милиони Американци во системот на Администрацијата за социјално осигурување (SSA).

На барање на Министерството за правда, судиите го одложија спроведувањето на наредбата на окружниот судија од Мериленд, Елен Холандер, со која DOGE беше блокиран од пристап до „лични податоци“ во документи како што се медицински и финансиски досиеја, додека судскиот спор продолжува во понизок суд, објави NBC News.

Холандер откри дека дозволувањето неограничен пристап на DOGE веројатно би ги прекршило федералните закони за приватност.