Зеленски повикува на поголем притисок врз Русија по ракетниот напад врз Киев

Украинскиот претседател Володимир Зеленски во понеделник изјави дека ракетниот напад врз деветкатница во Киев, во кој загинаа 28 лица, е уште еден знак дека е потребен поголем притисок врз Москва за да се согласи на прекин на огнот.

Во нападот, кој се смета за најсмртоносен во украинскиот главен град оваа година, беа повредени 142 лица, објави АП.

Зеленски го посети местото на нападот врз станбената зграда во населбата Соломијански во Киев, оддавајќи им почит на 23-те лица кои загинаа во директен удар од ракета што урна дел од структурата.