Фудбалерот на Босна и Херцеговина, Миралем Пјаниќ, ќе ги напушти редовите на ЦСКА Москва, тврдат медиумите во Русија, повикувајќи се на сигурни извори.
Пјаниќ пристигна во Москва во септември минатата година и потпиша договор со ЦСКА до крајот на сезоната, кој истекува на последниот ден од овој месец.
ЦСКА одлучи да не ја продолжи соработката со поранешниот босански репрезентативец, кој сега е слободен да избере нов тим.
Овој 35-годишник одигра 25 натпревари за московскиот тим минатата сезона, не постигна гол, но имаше три асистенции.
Каде ќе ја продолжи кариерата сè уште не е познато, но наскоро се очекува официјална потврда за оваа информација.
За репрезентацијата на БиХ, од чиј дрес официјално се збогуваше пред натпреварот со Сан Марино, одигра 115 натпревари и постигна 17 голови.