Велика Британија сака да им помогне на земјите од Западен Балкан во евроатлантската интеграција

Целта на Велика Британија е да им помогне на земјите од Западен Балкан да ја завршат својата евроатлантска интеграција и да им обезбедат на своите граѓани постабилен и просперитетен живот, изјави британската специјална пратеничка за Западен Балкан, Карен Пирс.

„Обединетото Кралство работи на повторно заживување на нашата улога во Европа и клучен дел од овие напори е зајакнување на нашето партнерство со Западен Балкан“, вели Пирс во својата статија за Блиц.

Пирс нагласува дека инвестирањето и соработката со земјите од Западен Балкан е геостратешки императив за Велика Британија во услови на растечки глобални неизвесности и непредвидливост.