ЕК: На Европа ѝ е потребна „армија од беспилотни летала“ за да се одбрани од можна руска агресија

Европскиот комесар за одбрана Андриус ​​Кубилиус предупреди дека Европа мора итно да развие капацитет за масовно производство и користење беспилотни летала за да биде подготвена да одговори на можен вооружен напад од Русија.

Воените проценки покажуваат дека руските вооружени сили би можеле да бидат подготвени да нападнат членка на НАТО во рок од пет години, изјави денес комесарот Кубилиус за Скај њуз.

„Русија би можела да има околу пет милиони беспилотни летала. Ако сакаме да победиме, треба да имаме поголеми капацитети“, рече Кубилиус, нагласувајќи дека евентуалниот напад би го предводела руска армија „зацврстена на фронтовските линии“, со можност за распоредување беспилотни летала во масовно ниво.