Pagani Automobili го претстави Huayra Codalunga Coupe во 2022 година, како ограничено издание од само пет возила, додека сега ја изгради и својата варијанта Speedster (планирани се десет единици).
„Huayra Codalunga Speedster е почит кон оние кои го замислуваат својот спортски автомобил како икона на леснотија и моментум, обликувана од суштински линии кои без напор го надминуваат времето“, вели Pagani во соопштението.
Подолг за 360 mm во споредба со стандардниот Huayra Coupe, Huayra Codalunga Speedster е исто така напојуван од 6,0-литарски V12 мотор кој развива 626 kW/851 КС и 1.100 Nm вртежен момент. Купувачите имаат избор од два менувачи – седумстепен мануелен или секвенцијален.
Тука, вреди да се напомене и дека Codalunga има титаниумски издувен систем.
Автомобилот има и нови детали за ентериерот, како што е везот инспириран од препознатливиот четиристепен издувен систем на Pagani.
Codalunga Speedster е креација на одделот Grandi Complicazioni на Pagani, кој развива уникатни модели со ограничено издание како овој, додека цената не беше спомената во кратката вест.