Американскиот претседател Доналд Трамп изјави дека украинскиот претседател Володимир Зеленски не треба да наредува напади врз Москва, и покрај најавата дека Украина ќе добие нови пратки западно оружје и сè поострата реторика кон Русија.
Трамп го предупредува Киев: Не го таргетирајте главниот град на Русија
Изјавата на Трамп доаѓа откако „Фајненшл тајмс“ објави дека американскиот претседател неодамна го прашал Зеленски дали Украина планира да ја таргетира Москва доколку САД испорачаат оружје со долг дострел. Иако Белата куќа не ги коментираше наводите на британскиот весник, Трамп денес јасно им кажа на новинарите дека не поддржува таков потег.
Доналд Трамп изјави дека Володимир Зеленски не треба да ја таргетира Москва со напади откако објави дека ќе биде испратено повеќе оружје во Украина и го заостри својот став кон Русија.
Зборувајќи со новинарите пред да ја напушти Белата куќа, Трамп го коментираше и својот ултиматум до Русија, според кој Москва има 50 дена да се согласи на прекин на огнот во Украина, во спротивно ќе се соочи со високи царини. „Ќе видиме што ќе се случи со претседателот Путин“, рече Трамп.
„Не сум на ничија страна. Јас сум на страната на човештвото“
Кога го прашаа дали сега е на страната на Украина, Трамп одговори: „Не сум на ничија страна. Јас сум на страната на човештвото“. Тој додаде дека сака да го запре убивањето: „Сакам да го запрем масакрот на илјадници луѓе неделно“, рече Трамп.